presentada
Nome: maistu
34 annus,de Casteddu, bivu e traballu in ArRoma.
Mi praxit su cinema, seu scrièndi scenisaduras, e bollu girai un curtzumetraju.
BOLLU:
bollu fueddài in sardu;
bollu ki totu sa genti sarda scìat fueddai in sardu.
bollu una Sardinnya sentz''e conditzionaduras de genti stranja;
bollu...
UNU BISU:
girài una grandu pelìcula cun tema sa Sardinnya, sentz''e stuppài in is logus cumonis bistus de sempri a su cinema.
INTENTU:
ammuntonai sempri prus genti ki da pentzat cumenti a mei a pitz''e sa Sardinnya, is sardus e su sardu.
ùrtimus cumentus
amigus blogheris
arcivu
maggio 2007
agosto 2006
luglio 2006
giugno 2006
ottobre 2005
settembre 2005
giugno 2005
maggio 2005
febbraio 2005
gennaio 2005
dicembre 2004
feeds
contadori
abisitau *loading* bortas
Vespa noa? Vida noa!
A bortas bastat unu nudda po cumentzai beni sa cida, in su lunis menjanu.
E 'oi seu diaderus cuntentu, ca seu bènniu a traballai cun d-unu mèdiu nou:
sa Vespa PX 150, blu noti.
(da podeis biri a suta)
Sigumenti ca no nci da faemu prus a pigai sa màkina po andai a s'ufìtziu, a s'acabu mi seu detzìdiu e m'apu comporau custu ki no est unu mèdiu po si movi, po si spostai de unu logu a s'atru, sa Vespa est una filosofia de vida.
Calincunu iat podi cumprendi in manera strama su ki seu narendi, ma seu cumbintu ki sa Vespa siat una manera de bivi sa vida. Bollu nai: is mèdius nous cumenti is "scooters" funt arroba po andai lestrus, po bivi su ritmu de sa tzitadi, fatu de prandis prontus - a bortas pre-cotus- de cursas de una parti a s'atra, de su tempus "ki no acabat mai" -a pustis mi du boleis narai ita depi sempri curri una personi? Bastat ki pregunteis a kinikisiat amigu, issu s'at a arrespundi sempri:
"No tengu tempus de fai nudda, seu sempri currendi".
Nou
Deu apu detzìdiu de no curri, de pigai is cosa cun calma, abellu, e po custu bandu in Vespa. Po beni ki mi potzat andai, potzu arribai a fai 82Km/h, ma in tzitadi no bollu curri de prus, primu poita ca e' periculosu, e secundu poita ca ArRoma e' aici bella ca da bollu castiai beni, intendendi s'aria de is pinus acant''e su Circu Massimu, de is Tillyus in s'Aventinu, de is pinus de su quartieri Mostacciano, e de su mari, in cantu mi ndi andu a papai, a meri', in Fiumicino ou in Ostia.
In prus, cun d-unu prenu de benzina nci fatzu 300Km!
Scusaimi' si e' pagu.
A s'intendi
Postu de: maistu a 07:45 |
link | commenti (3)
