Arratz''e c..u, "mister Lippi"!

Biendi sa partida, ariseru meri', m'e' bènnia una tristura, ma un tristura manna. Po duas arrexonis:
1) sa partida no e' stètia bella, s'Italia no depiat binci -ma sigumenti ca a bortas s'Italia at pèrdiu candu no depiat perdi, a su mancu sa sorti  esti pratzia-
2) is cummentadoris no ant nau nudda a pitz''e sa ciaputzesa de Marcello Lippi, su "mister". Misiat misiat su mister.
Unu ki no e' bonu a ponni un'iskuadra in campu ki abarrit arricia, ma mi du scieis spricai ita nci fait a commissariu tècnigu?
...
mmmhhh...
E ki inbecis funt is jogadoris ki no scìint jogai?
(Arratz''e dudas perefundas ki mi benint, ugualis ugualis a is de Beethovan in cantu fiat cumponendi sa Sinfonia nr. 9....depit essi sa baska innoi in ArRoma)
Bah, imoi mi pongu a traballai.
A s'intendi.

Postu de: maistu a 07:27 | link | commenti (1)

Vespa noa? Vida noa!

A bortas bastat unu nudda po cumentzai beni sa cida, in su lunis menjanu.
E 'oi seu diaderus cuntentu, ca seu bènniu a traballai cun d-unu mèdiu nou:
sa Vespa PX 150, blu noti. (da podeis biri a suta)
Sigumenti ca no nci da faemu prus a pigai sa màkina po andai a s'ufìtziu, a s'acabu mi seu detzìdiu e m'apu comporau custu ki no est unu mèdiu po si movi, po si spostai de unu logu a s'atru, sa Vespa est una filosofia de vida.

Calincunu iat podi cumprendi in manera strama su ki seu narendi, ma seu cumbintu ki sa Vespa siat una manera de bivi sa vida. Bollu nai: is mèdius nous cumenti is "scooters" funt arroba po andai lestrus, po bivi su ritmu de sa tzitadi, fatu de prandis prontus - a bortas pre-cotus- de cursas de una parti a s'atra, de su tempus "ki no acabat mai" -a pustis mi du boleis narai ita depi sempri curri una personi? Bastat ki pregunteis a kinikisiat amigu, issu s'at a arrespundi sempri:
 "No tengu tempus de fai nudda, seu sempri currendi".

Nou

Deu apu detzìdiu de no curri, de pigai is cosa cun calma, abellu, e po custu bandu in Vespa. Po beni ki mi potzat andai, potzu arribai a fai 82Km/h, ma in tzitadi no bollu curri de prus, primu poita ca e' periculosu, e secundu poita ca ArRoma e' aici bella ca da bollu castiai beni, intendendi s'aria de is pinus acant''e su Circu Massimu, de is Tillyus in s'Aventinu, de is pinus de su quartieri Mostacciano, e de su mari, in cantu mi ndi andu a papai, a meri', in Fiumicino ou in Ostia.
In prus, cun d-unu prenu de benzina nci fatzu 300Km!

Scusaimi' si e' pagu.

A s'intendi

Postu de: maistu a 07:45 | link | commenti (3)

Acab'e cida cansosu? naahh!

Acab'e cida prenu de cosas de fai...Divanu, birra e partidas de su mundiali.
Balla, no tengu gana e' fai nudda -mancai s'immortalitadi de s'anima siat su primu de is pensamentus mius...
Mi seu pasendi, e intzandus?
A s'intendi

Postu de: maistu a 10:10 | link | commenti (6)

Boh...
Imoi bastat! Emu acabau 'e scriri de candu si fiat mortu mannoi -in campidanesu iat essi "ayayu" ou "yayu" , ma sigumenti ca mannoi fiat nasciu in Orthullè,  deu sigu a du 'tzerriai mannoi.
No e' stètiu unu bellu momentu in sa vida mia, po unas cantus cosas legias ki funt sutzèdias, s'urtima: s'e' morta sa gatixedda mia bella.
Marlene.
Tristura e pena funt is cosas ki tengu in coru.
Ma comuncas, sigumenti ca apu detzìdiu de andai a innantis, ca sa vida no si firmat po mei, mi pongu a scriri torra.
E duncas, capìtulu serrau.
Ndi cumentzu un'atru, sperendi ki siat mellus meda de s'urtimu.
A s'intendi.

Postu de: maistu a 08:05 | link | commenti (7)