Binus sardus

A mei mi praxit su binu sardu, sigumenti ca seu fendi unu cursu de "degustazione" in Arromas, mi seu agatendi ca is binus sardus funti intr''e is mellus binus ki si potzant bufai.

In custa fotografia a manca nc'esti su "Terre Rare" de Sella&Mosca, ki esti Carignano del Sulcis...
Bonu, balla....

Postu de: maistu a 08:19 | link | commenti (2)

Su meri!

D'apu cumprèndiu, a s'acabu d'apu cumprèndiu!
Su meri miu e' scimpru!
Ge du scìu ki parit un kesçu de un'impreau mèdiu, ma no e' de aici. Deu scìu traballai, scìu fai su ki depu fai, sceti ca tengu unu meri ki no sciit nimancu aundi tenit is peis.

IN PRUS

No castiat MAI su meri suu in is ogus (sempri a conca basça), si fait togu cun kini no iat depiri...Ahhh..bellu sghisc''e meri.
Scieis a ita d'assimbillu?

A UNU SITZIGORRU!

A sa dresta 'osta, please, su meri miu!

A s'intendi kitzi

Postu de: maistu a 10:08 | link | commenti

A s'acabu, Miss italia...

...ma a ita serbit?
Nanta ca est s'espressada de sa bellesa italiana.E cali esti sa bellesa italiana? Is sicilianas funti diferentis de is piemontesas, is milanesas funti diferentis de is bolognesas.
Ma custu no e' su puntu: a ita serbit miss Italia?
Forsis e' po potai a foras de s'Italia su labaru de sa bellesa "Fata in Italia"? Boh, mi parit una grandu balossada. Su spetàgulu! Totu spetàgulu, e nimancu de is mellus.
BRUCE WILLIS
aahh, balla! Imoi jai seu prus cuntentu! Ki no ci fiat Bruce Willis a jugiai a miss Italia no fiat stètia sa pròpiu cosa. Po no kistionai de cussa mummia de Mirigliani e de sa filla, prus leja puru.
Castiài, deu ap'a essi puru unu sirboni ki no mi praxint cosas de aici, ma a s'acabu su spetàgulu ki seus biendi sempri de prus in sa televisioni e' diaderus cos''e prangi...

Mellus, ma mellus meda unu libru.

Postu de: maistu a 10:05 | link | commenti